A Asociación de Peregrinos Musicais é unha asociación sen ánimo de lucro que foi creada en 2011 pola pianista Ilona Timchenko.
Entre os seus proxectos están:
Festival de Peregrinos Musicais: Co obxectivo de promover novos artistas nace o Festival Internacional de Peregrinos Musicais, no seu marco realízanse intercambios internacionais con músicos de importante proxección internacional. Ademais, realiza actividades de promoción de artistas e músicos galegos afincados en Galicia.
O Teu Xacobeo: Ao longo da tempada 19-21 organizamos 38 concertos nas rutas do Xacobeas en Galicia, con formacións de renome internacional (ProMúsica, Dúo DeLis, Quinta Corda, Trio Metamorfosis, Rubens Consort, Matangi Quartet, Rastrelli Quartet, entre outros) .
Arte do piano: É un ciclo de concertos de piano e maratóns que se desenvolven nos escenarios galegos para promocionar a novos pianistas de toda Galicia. As sedes máis destacadas son: o Paraninfo da Universidade de Historia e Xeografía de Santiago de Compostela, o Museo de Arte Contemporánea de Santiago ou o Auditorio Municipal de Valga.
Concertos de Nadal: Unha cita anual xa imprescindible en Santiago, cunha oferta de música clásica de gran calidade e repertorio de Nadal. Celebráronse en recintos destacados como o Paraninfo da USC, a Capela dos Reis Católicos e o Teatro Principal.
Clases maxistrais: Música A-MI-La-Do na Escola de Altos Estudos Musicais de Santiago, así como nas últimas edicións do Festival Peregrinos Musicais, noutras sedes. Profesores de talla mundial, como Ara Malikian, Luis Fernando Pérez, José M. Álvarez Losada, Ilona Sie Dhian Ho, Amparo Lacruz, Sergey Arutyunyan, etc.)
Concurso Internacional: Desde a súa creación participaron máis de 100 artistas novos galegos ou residentes en Galicia. A partir de 2021, o certame converteuse en Internacional e participaron músicos de 14 países diferentes.